काठमाडौं – Independent Power Producers’ Association, Nepal (इप्पान)ले लाङटाङ राष्ट्रिय निकुञ्ज क्षेत्रभित्र रोकिएका पाँच जलविद्युत आयोजनाको निर्माण कार्य तत्काल सुरु गराउन सरकारसँग माग गरेको छ। इप्पान अध्यक्ष Ganesh Karki नेतृत्वको टोलीले कृषि, वन तथा वातावरण मन्त्री Geeta Chaudhary लाई भेटेर राष्ट्रिय प्राथमिकताका ऊर्जा आयोजनामा सहजीकरण गर्न आग्रह गरेको हो।

इप्पानले वातावरणीय प्रभाव मूल्यांकन (EIA) प्रतिवेदन स्वीकृत भइसकेका आयोजनामा समेत निकुञ्ज प्रशासनबाट पुनः अवरोध सिर्जना हुँदा निजी क्षेत्र निरुत्साहित भएको जनाएको छ। अध्यक्ष कार्कीले ऊर्जा मन्त्रालयबाट अनुमति प्राप्त गरी निर्माण अघि बढिरहेका आयोजनालाई वन मन्त्रालयअन्तर्गतकै निकायले रोक्नु विरोधाभासपूर्ण भएको बताए।

हाल सिन्धुपाल्चोक जिल्लामा निर्माणाधीन ३६.५ मेगावाटको ब्रह्मायणी, २०.५२ मेगावाटको माथिल्लो ब्रह्मायणी, ९.७ मेगावाटको ब्रह्मायणी–ए, ४० मेगावाटको बलेफी खोला तथा ४६ मेगावाटको माथिल्लो बलेफी आयोजना गरी कुल १५३ मेगावाट क्षमताका पाँच आयोजना प्रभावित भएका छन्।

मन्त्री चौधरीले विकास आयोजनामा देखिएका समस्या समाधानका लागि नीतिगत सुधार र आवश्यक सहजीकरण गरिने बताएकी छन्। इप्पानका अनुसार निकुञ्ज क्षेत्रभित्र रहेका जलविद्युत आयोजनामा अवरोध जारी रहे देशको ३० हजार मेगावाट विद्युत उत्पादन लक्ष्य प्रभावित हुने खतरा रहेको छ।